वीरगन्ज-
वीरगन्जको आदर्शनगरमा प्रहरीमाथि आक्रमण गरेको अभियोगमा पर्सा प्रहरीले ६ जनालाई पक्राउ गरेको छ । भन्सार छली गरी भण्डारण गरिएका सामान नियन्त्रणमा लिन गएका सुरक्षाकर्मीमाथि भौतिक आक्रमण गरेको चार जना नेपाली र दुई जना भारतीयहरुलाई ज्यान मार्ने उद्योग तथा आपराधिक उपद्रव सम्बन्धी कसूरको अभियोगमा प्रहरीले पक्राउ गरेकोहो ।
पक्राउ पर्नेमा वीरगन्ज महानगरपालिका वडा नं. १ छप्कैयाका ३८ वर्षीय दिपराज सहनी मलाह, वडा नं.१० घडिअर्वाका ४६ वर्षीय प्रमोद कुमार कानु, २० वर्षीय कुन्जन सर्राफ, पर्साको विन्दवासिनी गाउँपालिका–५ का ५५ वर्षीय श्रीचन्द्र प्रसाद साह , भारत विहार मोतिहारी रक्सौलका ४० वर्षीय प्रभु महतो, भागलपुर पोडियाका ३५ वर्षीय पृतम कुमार चौधरी रहेका छन् ।
गत माघ २६ गते बिहान विहान वीरगन्ज आदर्शनगरस्थित रुन्चे मदन भनिने मदन गुप्ताको गोदाममा भण्डारन गरिएको अबैध सामान नियन्त्रणमा लिन भएका सशस्त्र प्रहरी बल, वीरगन्ज भन्सार कार्यालयका प्रतिनिधि तथा सुरक्षाकर्मीको संयुक्त टोलीमाथि आक्रमण गरेको अभियोगमा ६ जनालाई पक्राउ गरिएको जिल्ला प्रहरी कार्यालय पर्साका सुचना अधिकारी प्रहरी नायब उपरीक्षक हरिबहादु बस्नेतले जानकारी दिनुभयो। उहाँले पक्राउ परेकाहरुलाई जिल्ला प्रहरी कार्यालय पर्सामा राखि अनुसन्धान अगाडी बढाएको उहाँले जानकारी दिनुभयो। घटनामा संलगन रहेका अन्य अभियुक्तहरुको खोजि कार्यभइरहेको छ भने मुख्य अभियुक्त मदन रुन्चे भनिने वीरगन्जको घडिअर्वा निवासी मदन गुप्ता फरार रहेको र उनको खोजिकार्य भइरहेको प्रहरीले जनाएको छ ।
