काठमाडौं –
त्रिपुरेश्वरस्थित राहदानी विभागअगाडि आत्मदाह प्रयासपछि निधन भएका गणेश नेपालीको सम्झनामा स्वतन्त्र चालक फाउन्डेसनले दिप प्रज्वलन गरेको छ ।
सोमबार साँझ फाउन्डेसनका पदाधिकारी एवम सदस्यहरुसहितको समूहले माइतीघर मण्डलामा दिप प्रज्वलन गरेको हो । सो अवसरमा उनीहरुले ट्राफिक सम्बन्धि सचेतनामूलक सन्देश पनि प्रवाह गरेका थिए ।
उपचारका क्रममा शुक्रबार निधन भएका गणेशको परिवार र सरकारबीच आइतबार सम्झौता भएपछि परिवारले सोमबार शव बुझेसँगै पशुपति आर्यघाटमा दाहसंस्कार गरिएको थियो ।
असार २५ गते राहदानी विभागअगाडि महानगर प्रहरीले गणेशको मोटरसाइकलमा ह्लील लक लगाएका थिए । त्यसपछि आत्मदाह प्रयास गरेका उनको वीर अस्पतालमा उपचार क्रममा शुक्रबार मृत्यु भएको थियो ।
