सरकारी भवनमा उच्चस्तरीय बैठकपछि बोल्दै पेटोङटार्नले सवारी साधन र व्यक्तिहरू दुवैको लागि सीमापार यात्रामा प्रतिवन्धहरू लागू गरिने बताउनु भयो ।

काठमाडौं –

थाईल्याण्डका प्रधानमन्त्री पेटोङटार्न शिनावात्राले थाईल्याण्डले अन्तर्राष्ट्रिय अपराधसँग लड्न छिमेकी कम्बोडियासँगको सीमा नियन्त्रण कडा बनाएको बताउनुभएको छ । सरकारी भवनमा उच्चस्तरीय बैठकपछि बोल्दै पेटोङटार्नले सवारी साधन र व्यक्तिहरू दुवैको लागि सीमापार यात्रामा प्रतिवन्धहरू लागू गरिने बताउनु भयो ।

जसमा चेकपोइन्टहरूमा सञ्चालन समय सीमित गरिनेछ । थाई–कम्बोडियन सीमामा रहेका सात प्रान्तहरूमा क्रसिङहरू विद्यार्थी, चिकित्सा बिरामीहरू र महत्त्वपूर्ण सामानहरू जस्ता आवश्यक यात्राहरूमा सीमित हुनेछन् । प्रधानमन्त्रीले थाईल्याण्डले सीमापार अवैध सञ्चालनहरूलाई समर्थन गर्ने सामानहरू, विशेष गरी इन्धन र बिजुलीको निर्यात रोक्नेछ ।

गैरकानूनी गतिविधिहरूमा प्रयोग भएको आशंकामा कम्बोडियामा इन्धन ढुवानी निलम्बन गर्ने विचार गर्नेछ । कम्बोडियाको सरकारी र सैन्य संस्थाहरूसँग जोडिएका इन्टरनेट सेवाहरू र पनडुब्बी इन्टरनेट केबलहरू पनि निलम्वित गरिनेछ ।