पोल्याण्डले सोमवार जर्मनी र लिथुआनियासँगको सीमानामा अवैध आप्रवासन रोक्न र राष्ट्रिय सुरक्षालाई सुदृढ पार्न चेकपोइन्टहरू पुनस्र्थापित गरेको छ ।
| ♠ समाचार सारांश | ♠ एआईबाट जेनरेटेड |
|
काठमाडौं-
पोल्याण्डले सोमवार जर्मनी र लिथुआनियासँगको सीमानामा अवैध आप्रवासन रोक्न र राष्ट्रिय सुरक्षालाई सुदृढ पार्न चेकपोइन्टहरू पुनस्र्थापित गरेको छ । आन्तरिक तथा प्रशासन मन्त्रालयका अनुसार सरकारले जर्मन सीमानामा ५२ र लिथुआनियाली सीमानामा १३ चेकपोइन्टहरू तोकेको छ । जाँचहरू अगस्ट ५ सम्म ३० दिनसम्म प्रभावकारी रहनेछन् ।
प्रहरी र क्षेत्रीय रक्षा बलका सिपाहीहरूको सहयोगमा सीमा गार्डद्वारा गरिनेछ । बोर्ड गार्डका प्रवक्ता कोनराड स्ज्वेडले पोलिश प्रेस एजेन्सीलाई निरीक्षणहरू अनियमित रूपमा गरिने बताउनु भयो । धेरै यात्रुहरू बोक्ने भ्यान र सवारी साधनहरू, साथै रंगीन झ्यालहरू भएका कारहरूलाई प्राथमिकता दिइनेछ ।
आन्तरिक तथा प्रशासन मन्त्री टोमाज सिमोनियाकले पोलिश–जर्मन सीमामा रहेको स्विको शहरमा पत्रकार सम्मेलनमा नागरिकहरूलाई नयाँ चेक प्वाइन्टहरूको बारेमा जानकारी गराउन र सहयोगलाई प्रोत्साहन गर्न राष्ट्रव्यापी शतर्कता जारी गरिएको छ ।
अक्टोबर २०२३ मा जर्मनीले अवैध आप्रवासनलाई रोक्ने व्यापक प्रयासको एक भागको रूपमा पोल्याण्डसँग सीमा नियन्त्रण शुरु गरेको थियो ।
