काठमाडौं –
राष्ट्रिय परीक्षा बोर्डले कक्षा १२ को पूरक (ग्रेड वृद्धि) परीक्षा आगामी भदौ २८ र २९ गते सञ्चालन गर्ने भएको छ।
सोमबार सार्वजनिक नतिजासँगै बोर्डले पूरक परीक्षाको मिति सार्वजनिक गरेको हो। बोर्डका अध्यक्ष महाश्रम शर्माका अनुसार ग्रेड सुधार गर्न चाहने विद्यार्थीका लागि भदौ २८ र २९ मा परीक्षा सञ्चालन गरिनेछ।
यस वर्षको नियमित परीक्षा गत वैशाख २१ गतेदेखि सुरु भएको थियो। उक्त परीक्षामा देशभरका ५ हजार २०२ विद्यालयका एक लाख ९८ हजार ८७५ छात्र र एक लाख ९७ हजार १३ छात्रा गरी कुल तीन लाख ९५ हजार ९०८ परीक्षार्थी सहभागी भएका थिए।
