वीरगन्ज-
पर्सा जिल्लाका निर्वाचन क्षेत्र नं. १ र २ को मतगणना सुरु भएको छ।
वीरगन्ज महानगरपालिका–१० आदर्शनगरस्थित ठाकुरराम मतगणना स्थलमा बिहान साढे ११ बजेदेखि दुवै निर्वाचन क्षेत्रको मतगणना सुरु गरिएको हो।
पहिलो चरणअन्तर्गत पर्सा निर्वाचन क्षेत्र नं. १ को वीरगन्ज महानगरपालिका वडा नं. १८ र २० को मतगणना भइरहेको छ। त्यस्तै पर्सा निर्वाचन क्षेत्र नं. २ अन्तर्गत पर्सागढी नगरपालिका वडा नं. ५ पचरुखीको मतगणना भइरहेको प्रमुख निर्वाचन अधिकृत गायत्री प्रसाद रेग्मीले जानकारी दिनुभयो।
वीरगन्ज महानगरपालिका वडा नं. १८ पूर्वमन्त्री तथा नेकपा (एमाले) का पर्सा क्षेत्र नं. १ का प्रतिनिधिसभा सदस्य उम्मेदवार प्रदीप यादवको वडा पनि हो।
