काठमाडौं–
स्वस्थ जीवनको आधार मानिने फाइबरले मानव शरीरमा जादुमयी प्रभाव पार्छ। वनस्पतिमा आधारित कार्बोहाइड्रेटको रूपमा चिनिने फाइबर पाचन प्रक्रिया, तौल व्यवस्थापन, रक्तसञ्चार र कोलेस्ट्रोल सन्तुलनमा अत्यन्त प्रभावकारी हुन्छ। चिकित्सा विज्ञानले फाइबरको नियमित सेवनले आयु वृद्धि गर्न र घातक रोगहरूको जोखिम कम गर्न महत्त्वपूर्ण भूमिका खेल्ने बताउँछ।
विज्ञहरूका अनुसार, ५० वर्षभन्दा कम उमेरका व्यक्तिले दैनिक २५ देखि ३८ ग्राम र ५० वर्षभन्दा माथिकाले २१ देखि ३० ग्राम फाइबर सेवन गर्नु उत्तम हुन्छ। फाइबर दुई प्रकारका हुन्छन्: घुलनशील र अघुलनशील। घुलनशील फाइबरले रगतमा ग्लुकोज र कोलेस्ट्रोलको मात्रा नियन्त्रण गर्छ भने अघुलनशील फाइबरले पाचन प्रणालीलाई चुस्त राख्न मद्दत गर्छ।
कोदो, काउली, आलु, गोलभेंडा, उखु र खुर्सानीजस्ता खानेकुरा अघुलनशील फाइबरका उत्कृष्ट स्रोत हुन्। यी खानेकुरालाई दैनिक भोजनमा समावेश गर्दा स्वस्थ र सन्तुलित जीवनशैली कायम गर्न सकिन्छ।
