वीरगन्ज-
बिपीसी क्याम्पस इभेन्ट अन्तर्गत “सामाजिक प्रभाव र मापन” विषयमा एक प्रशिक्षण सत्र आयोजना गरिएको थियो। वीरगन्ज पब्लिक कलेज (बिपीसी) को सभाहलममा मंगलबार आयोजित हल्ट प्राइज प्रशिक्षण सत्रलाई पियुष अग्रवालले सफलतापूर्वक संचालन गरेका थिए।
यस प्रशिक्षण सत्रले प्रतिभागीहरूलाई सामाजिक उद्यमको माध्यमबाट समाजमा सकारात्मक परिवर्तन ल्याउने तथा यसको प्रभावलाई कसरी मापन गर्ने भन्ने विषयमा जानकारी प्रदान गर्यो। सामाजिक प्रभाव र मापन भनेको कुनै पनि सामाजिक उद्यमको सफलता मापन गर्ने एक महत्त्वपूर्ण पक्ष हो। यसले व्यवसायले समाजमा कस्तो सकारात्मक परिवर्तन ल्याएको छ भन्ने कुरा प्रमाणित गर्न मद्दत गर्दछ।
प्रशिक्षण सत्रमा निम्न विषयहरू समावेश गरिएका थिए:
१. सामाजिक प्रभावको परिभाषा – तपाईंको व्यवसायले समाजमा कस्तो परिवर्तन ल्याएको छ? यो तपाईंको मिशन र विजनसँग कसरी जोडिएको छ?
२. प्रभाव मापनका उपकरणहरू – सामाजिक पहलहरूको सफलता मापन गर्न के-के फ्रेमवर्क र उपकरणहरू प्रयोग गर्न सकिन्छ? यसमा प्रमुख प्रदर्शन सूचक (KPIs), सर्वेक्षण, तथा डाटा संकलन तरिकाहरू समावेश छन्।
३. प्रगतिको अनुगमन– तपाईंले आफ्नो व्यवसायको प्रभावलाई कसरी अनुगमन गर्नुहुन्छ र रणनीतिहरू समायोजन गर्नुहुन्छ?
४. हितधारकहरूसँग जोड्ने – तपाईंले आफ्नो प्रभावलाई लगानीकर्ता, ग्राहक, र समुदायहरूसँग कसरी संचार गर्नुहुन्छ?
५. स्थिरता र विस्तार– तपाईंले आफ्नो सामाजिक प्रभावलाई दीर्घकालीन रूपमा कसरी स्थिर र विस्तार योग्य बनाउन सक्नुहुन्छ?
यस सत्रले व्यवसाय मोडललाई सामाजिक लक्ष्यहरूसँग जोड्दै वास्तविक प्रभावलाई पारदर्शी र कार्यान्वयन योग्य तरिकाले मापन गर्ने महत्वमा जोड दिइएको थियो।
यस कार्यक्रमलाई सफल बनाउन हाम्रा सम्पूर्ण आयोजना टोलीका सदस्यहरू उपस्थित रहेका थिए र उनीहरूले सक्रिय भूमिका निर्वाह गरेका थिए।
हल्ट प्राइज बिपीसी क्याम्पस इभेन्टले प्रतिभागीहरूलाई नवीनतम ज्ञान र क्षमता विकासको अवसर प्रदान गरेको छ। यसले उनीहरूलाई समाजमा सकारात्मक परिवर्तन ल्याउने र सामाजिक उद्यमको माध्यमबाट विश्वव्यापी समस्याहरू समाधान गर्न प्रेरित गरेको छ।
यस कार्यक्रमले वीरगन्ज पब्लिक कलेजमा अध्ययनरत विद्यार्थीहरूलाई सामाजिक उद्यमिताको महत्व र यसको प्रभावकारी मापनका तरिकाहरूबारे जानकारी प्रदान गरेको छ। यसले आगामी दिनहरूमा युवाहरूलाई सामाजिक उद्यमिताको क्षेत्रमा अगाडि बढ्न प्रेरित गर्ने अपेक्षा गरिएको कार्याक्रमको मिडिया प्रबक्ता प्रियांका गीरीले बताईन ।
