काठमाडौ–
टर्कीका विदेशमन्त्री हाकान फिदान र उनका रुसी समकक्षी सर्गेई लाभरोभले युक्रेन द्वन्द्व र कालो सागरमा नेभिगेसनको सुरक्षाबारे छलफल गर्नुभएको छ । अर्ध–आधिकारिक अनाडोलु एजेन्सीले रिपोर्ट गरेको छ कि दुई मन्त्रीहरूले टर्कीको दक्षिणी तटीय शहर अन्टाल्यामा अन्टाल्या कुटनीति मञ्च नजिकै भेट गर्नुभएको हो ।
बैठकको क्रममा दुई मन्त्रीहरूले टर्की–रूस सम्बन्धको समीक्षा गरे र विशेष गरी ऊर्जा क्षेत्रमा थप सहयोगका अवसरहरूको खोजि गर्नुभयो । छलफलहरू क्षेत्रीय तनावका कारण बढ्दो महत्वको विषय कालो सागरमा सुरक्षित नेभिगेसन सुनिश्चित गर्ने कुरामा पनि केन्द्रित थिए । स्रोतहरूकाअनुसार दुवै पक्षले युद्धविराममा पुग्ने प्रयासहरूसहित चलिरहेको रूस–युक्रेन द्वन्द्वमा पनि विचार आदानप्रदान गरेका छन् ।
गत महिनाको अन्त्यतिर क्रेमलिनले भने कि मस्को र कीभ बीचको मध्यस्थकर्ता रूस र संयुक्त राज्य अमेरिकाले रूसको कृषि र खाद्य व्यापारमा प्रतिवन्धहरू कम गर्ने बताउँदै कालो सागर पहलको कार्यान्वयन सुनिश्चित गर्न सहमत भएका थिए । रुस र युक्रेनले जुलाई २०२२ मा इस्तानबुलमा टर्की र संयुक्त राष्ट्र संघसँग छुट्टाछुट्टै ब्ल्याक सी ग्रेन इनिसिएटिभमा हस्ताक्षर गरेका छन् । जसले ब्ल्याक सी बन्दरगाहहरूबाट युक्रेनी अन्न र अन्य कृषि उत्पादनहरूको निर्यात सुरक्षित गरेको छ ।
समानान्तर सम्झौताको रूपमा रुस र संयुक्त राष्ट्र संघले रुसी खाद्यान्न र मल निर्यातको सहजीकरणमा समझदारी पत्रमा हस्ताक्षर गरेका छन् । जुलाई १७, २०२३ मा, रुसले रुसी पक्षप्रति पूरा नभएका प्रतिवद्धताहरूलाई उद्धृत गर्दै कालो सागर सम्झौतामा आफ्नो सहभागिता निलम्वन गरेको छ ।
