काठमाडौँ-

जनस्वास्थ्य मन्त्रालयको जनस्वास्थ्य आपतकालीन सञ्चालन केन्द्रले बिहीवार लेबनानको दक्षिणी शहर नाबातीहमा इजरायली हवाई आक्रमणमा एक जनाको मृत्यु र आठ जना घाइते भएको जनाएको छ । राष्ट्रिय समाचार एजेन्सीकाअनुसार माथिल्लो नाबातीहको कफर तेब्निट गाउँ र कफर रेमेन शहर बीचको उच्च भूभाग र वनलाई लक्षित गरी इजरायली हवाई आक्रमण पछि नाबातीह शहर र यसको वरपरका क्षेत्रका बासिन्दाहरूमा तनावपूर्ण र चिन्ताजनक वातावरण छाएको छ ।

नागरिक रक्षा टोलीहरूले हमलाको परिणामस्वरूप अली अल–ताहेर वनमा लागेको आगो निभाउन काम गरे । क्षेत्रको चुनौतीपूर्ण भूभाग र बमबारीको अवशेष मानिने शंकास्पद वस्तुहरूको उपस्थितिले उनीहरूको प्रयासलाई बाधा पु¥याएको छ । इजरायली सेनाले एक विज्ञप्तिमा हमलाको पुष्टि गर्दै भन्यो कि यसले दक्षिणी लेबनानको ब्यूफोर्ट रिज क्षेत्रमा रहेको सैन्य पूर्वाधार स्थललाई लक्षित गरेको बताएको छ । हमलाले साइटका साथै हतियार र सुरुङका शाफ्टहरू पनि नष्ट गरेको सेनाले जनाएको छ ।