सिरहा –
सिरहाको कल्याणपुर नगरपालिकाका मेयर रामपुकार साहलाई अख्तियार दुरुपयोग अनुसन्धान आयोगले एक लाख रुपैयाँ घुस रकमसहित रंगेहात पक्राउ गरेको छ। अख्तियारको बर्दिबास कार्यालयबाट खटिएको टोलीले उनलाई बुधबार दिउँसो नगरपालिका कार्यालयबाटै नियन्त्रणमा लिएको हो।
अख्तियार स्रोतका अनुसार, मेयर साहले पूर्ण भुक्तानीका लागि एक उपभोक्ता समितिबाट दिउँसो पौने २ बजे कार्यालयमै एक लाख रुपैयाँ घुस लिइरहेको अवस्थामा रंगेहात पक्राउ परेका हुन्। अहिले अख्तियारको टोलीले घटनास्थलमा मुचुल्कासहित थप अनुसन्धान गरिरहेको छ।
