काठमाडौं-

श्रम, रोजगार तथा सामाजिक सुरक्षा मन्त्रालयले आफ्नो स्वामित्वमा रहेको महेन्द्रा स्कोर्पियो (प्रदेश ३-०१-००३ प ३५६५) हराएको भन्दै गृह मन्त्रालयलाई खोजीका लागि अनुरोध गरेको छ। मन्त्रालयको प्रशासन शाखाले जारी गरेको पत्रमा उक्त सवारी साधन विगत चार महिनादेखि सम्पर्कविहीन रहेको र चालक पनि सम्पर्कमा नरहेको उल्लेख छ।

पत्रमा गाडीको इन्जिन नम्बर KNDWBJDDT र चेसिस नम्बर BZTBDKWDDJDNC रहेको जनाइएको छ। मन्त्रालयले सम्बन्धित निकायलाई अनुसन्धान गरी दोषीमाथि कारबाही गर्न अनुरोध गरेको छ।

यो पत्रको बोधार्थ प्रहरी प्रधान कार्यालय, नक्साल र उपत्यका ट्राफिक प्रहरी कार्यालय, रामशाहपथलाई पनि पठाइएको छ। मन्त्रालयले सार्वजनिक सम्पत्तिको संरक्षण र दोषीमाथि कारबाही सुनिश्चित गर्न गृह मन्त्रालयसँग सहयोगको अपेक्षा गरेको छ।