वीरगन्ज-
नेकपा (एमाले) ले आगामी प्रतिनिधि सभा निर्वाचनलाई लक्षित गर्दै पर्सा निर्वाचन क्षेत्र नम्बर २ मा आफ्नो बलियो चुनावी संयन्त्र तयार पारेको छ। एमालेका केन्द्रीय सदस्य एवं पर्सा क्षेत्र नं. २ का इन्चार्ज विजय कुमार सरावगीको संयोजकत्वमा ३३ सदस्यीय ‘क्षेत्रीय निर्वाचन परिचालन कमिटी’ गठन गरिएको छ।
यस कमिटीमा मधेस प्रदेश कमिटीका सदस्यहरू, जिल्ला कमिटीका पदाधिकारी एवं सदस्यहरू र क्षेत्रीय कमिटीका पदाधिकारीहरूलाई समेटिएको छ।
कमिटीको नेतृत्व र संरचना
नवनिर्मित कमिटीको संयोजकमा विजय कुमार सरावगी चयन हुनुभएको छ। कमिटीका अन्य सदस्यहरूमा प्रभावशाली स्थानीय नेताहरू समावेश छन्, जसले निर्वाचनमा एमालेको पक्षमा जनमत सिर्जना गर्न रणनीतिक भूमिका खेल्नेछन्।
संयोजक: विजय कुमार सरावगी
सदस्यहरू: विचारी प्रसाद यादव, शिव पटेल, महेश दास, मनोज कुमार कुशवाहा, ध्रुव साह, रमिला खातुन, विना शर्मा, गोकर्ण पाठक, पुरन पटेल, सुष्मा कुशवाहा, नविजान मिया, सिता लामा, ओम प्रकाश साह (गुप्ता), खुर्रम आलम, केदारनाथ तिवारी, हरेराम पटेल, अफजल हुसेन, प्रदिप यादव, अजय गुप्ता लगायत।
त्यसैगरी दोस्रो सूचीमा अमोद यादव, तयम मिया, अर्जुन नेपाल, हरिमाया तामाङ, उधव उप्रेती, लियाकत अली, अजय कुमार साह, दुर्गा लामिछाने, दयानन्द उपाध्याय, प्रमोद कुशवाहा, सिकेन्द्र पटेल, श्याम गुप्ता र जितेन्द्र कर्णलाई सदस्यका रूपमा चयन गरिएको छ।
निर्वाचनको तयारी तीव्र
यस कमिटीको गठनसँगै पर्सा–२ मा एमालेले आफ्नो चुनावी प्रचार–प्रसार र संगठन परिचालनलाई व्यवस्थित रूपमा अगाडि बढाउने भएको छ। क्षेत्र भित्रका सबै शक्तिलाई एकीकृत गर्दै आगामी निर्वाचनमा पार्टीलाई बहुमतका साथ विजयी गराउने संकल्प यस कमिटीले लिएको छ।
