‘सङ्घीय निजामती ऐन राज्यव्यवस्था र उपसमितिबाट पारित भएर संसद्मा टेबल भएको छ,’ मन्त्री गुप्ताले भने, ‘यो निजामती विधेयकबाट कुलिङ पिरियडमात्र होइन, कमा र फुलस्टप पनि परिवर्तन हुँदैन।’

काठमाडौँ-

सङ्घीय मामिला तथा सामान्य प्रशासन मन्त्री राजकुमार गुप्ताले सङ्घीय निजामती विधेयकमा कुनै पनि परिवर्तन नहुने बताएका छन्। सोमबार बजेटमाथिको छलफलमा सांसदहरूको पूरक प्रश्नको जवाफ दिँदै मन्त्री गुप्ताले उक्त विधेयकबाट कुलिङ पिरियडसहित कमा र फुलस्टप पनि परिवर्तन नहुने स्पष्ट पारे।

‘सङ्घीय निजामती ऐन राज्यव्यवस्था र उपसमितिबाट पारित भएर संसद्मा टेबल भएको छ,’ मन्त्री गुप्ताले भने, ‘यो निजामती विधेयकबाट कुलिङ पिरियडमात्र होइन, कमा र फुलस्टप पनि परिवर्तन हुँदैन।’

मन्त्री गुप्ताले यसअघि उक्त विधेयक संसद्को कार्यसूचीबाट हटाइएको विषयमा प्रश्न उठेको र सदनमा विरोध भएकाले हटाउनुपरेको पनि प्रष्ट पारे।