वीरगन्ज –
पर्साको ग्रामीण क्षेत्रमा प्रहरीले एक क्विन्टल प्रतिबन्धित लागूऔषध गाँजा बरामद गरेको छ।
पर्साको जगरनाथपुर गाउँपालिका–३, मुरैया चोकस्थित खेतबाट प्रहरीले गाँजा बरामद गरेको हो।
खेतमा गाँजा राखिएको भन्ने पूर्वसूचनाका आधारमा सशस्त्र प्रहरी र नेपाल प्रहरीको संयुक्त टोलीले गरेको कारबाहीका क्रममा पाँच वटा चामलको बोरामा लुकाइछिपाइ राखिएको अवस्थामा उक्त लागूऔषध बरामद भएको जिल्ला प्रहरी कार्यालय पर्साका सूचना अधिकारी हरिबहादुर बस्नेतले जानकारी दिनुभयो।
उहाँका अनुसार बरामद गरिएको गाँजा जिल्ला प्रहरी कार्यालय पर्साको नियन्त्रणमा राखिएको छ भने घटनाबारे आवश्यक अनुसन्धान अगाडि बढाइएको छ।
