वीरगन्ज-
“पसिना बगाउने किसानले समयमा मल र बिउ नपाउनु मधेसको दुर्भाग्य हो। अब यो अवस्था रहिरहनु हुँदैन,” नेकपा एमाले पर्सा क्षेत्र नम्बर–२ की प्रतिनिधिसभा सदस्य उम्मेदवार रिमा कुमारी यादवले बिन्दवासिनीमा आयोजित कार्यकर्ता भेलालाई सम्बोधन गर्दै गर्दा स्थानीय किसानहरूले ताली बजाएर समर्थन जनाए।
किसानको साथी: कृषि क्लिनिक वीरगञ्ज महानगरपालिका–१९, बिन्दवासिनीमा बिहीबार आयोजित अगुवा कार्यकर्ता भेलालाई सम्बोधन गर्दै यादवले कृषिलाई आधुनिक र व्यवस्थित बनाउने ठोस योजना अघि सार्नुभयो। उहाँले भन्नुभयो, “किसानको समस्या खेतमै समाधान हुनुपर्छ। त्यसका लागि म हरेक वडामा ‘कृषि क्लिनिक’ सञ्चालन गर्नेछु। जसले माटो परीक्षणदेखि रोगव्याधि नियन्त्रणसम्मका लागि किसानलाई घरदैलोमै प्राविधिक सेवा दिनेछ।”
विगतको अधुरो सपना पूरा गर्ने वाचा आफ्नो निर्वाचन क्षेत्रका मतदाताको भावना बुझ्दै उम्मेदवार यादवले विगतका जनप्रतिनिधिले गर्न नसकेका कामहरू पूरा गर्ने प्रतिबद्धता व्यक्त गर्नुभयो। “यस क्षेत्रमा अझै धेरै काम बाँकी छन्। ती कामहरू पूरा गर्न र तपाईंहरूको आवाज सदनसम्म पुर्याउन मलाई तपाईंहरूको साथ चाहिएको छ,” उहाँले भावुक हुँदै भन्नुभयो। यादवले सीपमूलक तालिम र प्राविधिक शिक्षा मार्फत युवाहरूलाई आत्मनिर्भर बनाउने सपना पनि सुनाउनुभयो।
नेतृत्वको ऐक्यबद्धता कार्यक्रमका प्रमुख अतिथि एवं एमाले केन्द्रीय सदस्य विजय सरावगीले रिमा यादव जस्तो शिक्षित र विकासप्रेमी युवा उम्मेदवारले मात्र पर्साको मुहार फेर्न सक्ने बताउनुभयो। त्यस्तै, समानुपातिक उम्मेदवार बिचारी यादवले एमालेको जित नै मधेसको समृद्धिको आधार भएको उल्लेख गर्नुभयो।
वडा अध्यक्ष संजु छतकुलीको सक्रियतामा सम्पन्न उक्त भेलामा युवा नेता मुकेश द्विवेदी, लियाकत अली, अजय साह लगायत सयौँ नेता-कार्यकर्ता र स्थानीय बासिन्दाहरूको बाक्लो उपस्थिति रहेको थियो। कार्यक्रमको सहजीकरण पिन्टु उपाध्यायले गर्नुभएको थियो।
