वीरगन्ज–
वीरगन्ज महानगरपालिका–३, छपकैयाका निवासी मोहम्मद अयुब हुसैनलाई प्रहरीले पक्राउ गरेको छ। पर्सा जिल्ला अदालतबाट आपराधिक उपद्रव मुद्दामा पक्राउ पुर्जी जारी भएका अयुबलाई वडा प्रहरी कार्यालय बिर्ताले पक्राउ गरेको हो।
पर्सा जिल्ला अदालतबाट पक्राउ पुर्जी जारी भएका अयुब छपकैयामै रहेको सूचनाका आधारमा उनलाई पक्राउ गरिएको जिल्ला प्रहरी कार्यालय पर्साका सूचना अधिकारी प्रहरी नायब उपरीक्षक हरिबहादुर बस्नेतले जानकारी दिनुभयो।
उहाँका अनुसार पक्राउ परेका अयुबलाई आवश्यक कारबाहीका लागि पर्सा जिल्ला अदालतमा उपस्थित गराइएको छ।
