जोशी हाईड्रोपावर डेभलपमेन्ट कम्पनी लिमिटेडको शेयर मूल्य ९.९८ प्रतिशतले बढेर आजको सर्वाधिक वृद्धि भएको छ।

काठमाडौँ-

नेपाल स्टक एक्सचेञ्ज (नेप्से) परिसूचकमा आज सामान्य सुधार देखिएको छ। नेप्से परिसूचक ४.७८ अङ्कले बढेर २,६००.७६ को बिन्दुमा पुगेको छ।

आज ३२५ कम्पनीको १ करोड ७५ लाख ८७ हजार ३६ कित्ता शेयर ७०,८३१ पटक खरिदबिक्री हुँदा रू. ६ अर्ब ४७ करोड १९ लाख ५२ हजार ६७८ बराबरको कारोबार भएको छ।

आजको कारोबारमा विकास बैंक, जीवन बीमा, उत्पादन तथा प्रशोधन, म्युचुअल फन्ड, निर्जीवन बीमा र अन्य समूहको उपसूचक क्रमशः ०.०९, ०.३९, ०.६१, ०.३४, ०.२३ र ०.१९ प्रतिशतले घटेको छ। यता, व्यापार समूहको उपसूचक २.२० प्रतिशतले सबैभन्दा धेरै बढेको छ। बैंकिङ ०.१५, वित्त ०.७२, होटल तथा पर्यटन ०.९०, जलविद्युत् ०.४२, लगानी ०.३७ र लघुवित्त समूह ०.०१ प्रतिशतले बढेको छ।

जोशी हाईड्रोपावर डेभलपमेन्ट कम्पनी लिमिटेडको शेयर मूल्य ९.९८ प्रतिशतले बढेर आजको सर्वाधिक वृद्धि भएको छ। यसैगरी, गुराँस लघुवित्त वित्तीय संस्था लिमिटेडको शेयर मूल्यमा नकारात्मक सर्किट लाग्दै सबैभन्दा धेरै घटेको छ।

कारोबार रकमका आधारमा राधी विद्युत् कम्पनी लिमिटेडको रू. ५२ करोड १८ लाख ५९ हजार ८६६ बराबरको शेयर किनबेच भएको छ। शेयर सङ्ख्याका आधारमा भने ङादी ग्रुप पावर लिमिटेडको ८ लाख ३१ हजार ४८१ कित्ता शेयर खरिदबिक्री भएको छ।