पर्सा-
सशस्त्र प्रहरीले वीरगन्जबाट स्रोत खुलाउन नसकेका ६ लाख ५ हजार बराबर नेपाली रुपैयासहित एक जना भारतिय नागरिकलाई पक्राउ गरेको छ । पक्राउ पर्नेमा भारतको पुर्वी चम्पारण पन्टोका ग्राम पञ्चायत वडा नम्बर १ भलुवाहा निवासी ३८ वर्षिय विशेश्वर यादव रहेका छन् ।
सीमा सुरक्षा गुल्म वीरगन्जबाट खटेको प्रहरी टोलीले हिजो साँझ वीरगञ्ज महानगरपालिका वडा नम्बर १६ भन्सार मेनगेटबाट उनलाई चेकजाँचको क्रममा पक्राउ गरेको हो ।
भारतबाट नेपालतर्फ आउदै गरेको बा ४१ प ८४९३ नम्बरको मोटरसाईकलमा सवार यादवलाई चेकजाँच गर्ने क्रममा उनीसँग नेपाली रुपैया ६ लाख ५ हजार १८५ भेट्यो । सोधीखोजी गर्दा उनले ती रुपैयाको स्रोत खुलाउन नसकेको कारण नियन्त्रणमा लिइएको सशस्त्र प्रहरी नायव उपरीक्षक नरेन्द्र सिंह धामीले जानकारी दिए ।
नियन्त्रणमा लिइएको यादव सवार मोटरसाईकलको दुई लाख र उनीबाट बरामद १ थान मोवाईलको मुल्यांकन मूल्य २५ हजार कायम गरिएको छ ।
उनलाई आवश्यक कारावाही लागी स्रोत नखुलेका ६ लाख ५ हजार १ सय ८५ र मोटरसाईकल, मोवाईल सहित वीरगञ्ज भन्सार कार्यालयमा बुझाइएको सशस्त्र प्रहरी नायव उपरीक्षक धामीले जानकारी दिए ।
