विरगन्ज-
दोश्रो विरगन्ज गोल्डकपको उपाधि विभागीय टोली नेपाल पुलिस क्लबले हात पारेको छ । आज भएको फाईनल खेलमा मच्छिन्द्र क्लबलाई पेनाल्टी सुटआउटमा ३–० गोलले पराजित गर्दै यसबर्षको उपाधि उचालेको हो । पुलिस क्बल साविक विजेता पनि हो ।
गतबर्ष अर्को विभागीय टोली नेपाल आर्मीलाई पेनाल्टीमै २–० गोलले पराजित गरेको थियो । यसपटक पनि पुलिस क्लब उपाधि हात पार्न सफल भएको छ ।
मधेस प्रदेशकै सर्वाधिक राशी पुरस्कार रहेको प्रतियोगितामा विजेताले ११ लाख ११ हजार १११ र उपविजेताले पाँच लाख ५५ हजार ५५५ रुपैंया प्राप्त गर्नेछ । विरगन्ज महानगरपालिका मुख्य प्रायोजक रहेको प्रतियोगितामा एउटा विदेशी र सातवटा स्वदेशी गरी आठवटा टिमको सहभागिता रहेको थियो ।
