काठमाडौँ –
नेपाली कांग्रेसका सभापति तथा पूर्व प्रधानमन्त्री शेरबहादुर देउवा र नेकपा (एमाले)का अध्यक्ष तथा पूर्व प्रधानमन्त्री केपी शर्मा ओलीबीच आज महत्वपूर्ण भेटवार्ता भएको छ।
सभापति देउवाको सचिवालयका अनुसार भेटवार्तामा दुबै नेताबीच समसामयिक राजनीतिक परिस्थिति, राष्ट्रिय सहमति तथा स्थिरतामाथि केन्द्रित कुराकानी भयो।
भेटमा देउवाकी धर्मपत्नी तथा कांग्रेस नेतृ डा. आरजु राणा देउवा र ओलीकी धर्मपत्नी राधिका शाक्य पनि सहभागी भएका थिए।
जेनजी आन्दोलनपछि पहिलो पटक दुई ठूला दलका शीर्ष नेताहरू आमनेसामने बसेको यो भेटलाई राजनीतिक रूपमा अर्थपूर्ण मानिएको छ। आगामी शक्ति–सन्तुलन, सहकार्यका सम्भावित विकल्प र राष्ट्रिय राजनीतिका संवेदनशील मुद्दाहरूमा छलफल भएको बताइएको छ।
