काठमान्डौं-
लोकतान्त्रिक गणतन्त्र कंगोका राष्ट्रपति फेलिक्स शिसेकेदीले सोमवार द्वन्द्वग्रस्त पूर्वी क्षेत्रमा शान्ति सुदृढीकरणका लागि प्रमुख प्राथमिकताहरू रेखांकित गर्नुभएको छ ।
दिगो स्थिरताको लागि सुरक्षा उपायहरू र दीर्घकालीन समुदाय पुनप्र्राप्ति दुवै आवश्यक रहेको उहाँको भनाइ छ । राष्ट्रिय सभा र सिनेट समक्ष राजधानी किन्शासामा एक राष्ट्रिय सम्बोधनमा शिसेकेदीले सरकारको प्रमुख उद्देश्य कंगोली क्षेत्रबाट सबै विदेशी सशस्त्र सेनाहरूको पूर्ण र प्रमाणित फिर्ता रहेको बताउनु भयो ।
यस्तो फिर्ता राष्ट्रिय सार्वभौमसत्ता पुनस्र्थापित गर्न र तनाव कम गर्न अवस्था सिर्जना गर्न आवश्यक रहेको बताउनु भयो । राष्ट्रपतिले नागरिकहरूको सुरक्षा र नवीकरण गरिएको लडाईंबाट प्रभावित क्षेत्रहरूमा निर्बाध मानवीय पहुँच सुनिश्चित गर्ने आवश्यकतालाई पनि जोड दिनुभयो । संयुक्त राष्ट्र संघकाअनुसार जनवरी २०२५ देखि २.४ मिलियन भन्दा बढी मानिसहरू विस्थापित भएका छन् ।
जसले आन्तरिक रूपमा विस्थापित व्यक्तिहरूको संख्या लगभग ६० लाख पुगेको छ । लगभग १० लाख कंगोलीहरूले छिमेकी देशहरूमा शरण लिएका छन् । २.७ करोड मानिसहरू भोकमरीको सामना गरिरहेका छन् ।
