वीरगन्ज –
मोटरसाइकल चोरीको अभियोगमा पर्सा प्रहरीले एक जना युवालाई पक्राउ गरी आज सार्वजनिक गरेको छ ।
मोटरसाइकल चोरीको आरोपमा हिजो साँझ पक्राउ परेका बाराको कलैया उपमहानगरपालिका–१ निवासी प्रमोद पटेललाई प्रहरीले सार्वजनिक गरेको हो ।
वीरगन्ज महानगरपालिका-१२ स्थित दीनबन्धु पेट्रोल पम्पबाट मधेश प्रदेश ०३-०३३ प ८५१७ नम्बरको टिभिएस मोटरसाइकल चोरी गर्दै गर्दा पटेल पक्राउ परेको जिल्ला प्रहरी कार्यालय पर्साका सूचना अधिकारी हरिबहादुर बस्नेतले जानकारी दिनुभयो ।
उहाँका अनुसार मोटरसाइकल चोरी गर्दै गर्दा पक्राउ परेका पटेललाई जिल्ला प्रहरी कार्यालय पर्सामा राखी चोरी सम्बन्धी कसुरमा अनुसन्धान भइरहेको छ ।
