हेटौंडा-
मकवानपुरको हेटौंडा उपमहानगर-१० स्थित बसपार्कको होटलमा एक युवा मृत फेला परेका छन् ।
यहाँको चण्डीका होटलमा राक्सिराङ गाउँपालिका वडा नम्बर-४ का २८ वर्षीय सरोज शाह मृत भेटिएको जिल्ला प्रहरी कार्यालय मकवानपुरले जनाएको छ ।
यही पुस १५ गतेदेखि होटलको कोठा नम्बर २०२ मा बसेका शाहले आज बिहान अबेरसम्म पनि ढोका नखोलेको र बाहिर ननिस्किएपछि होटल सञ्चालकले प्रहरीलाई खबर गरेका थिए ।
शाह विस्तारामा बसेको अवस्थामा मृत्यु फेला परेको र शव पोस्टमार्टमको लागि हेटौंडा अस्पतालमा राखिएको प्रहरीले जनाएको छ । घटना सम्बन्धमा थप अनुसन्धान भइरहेको प्रहरीले जनाएको छ ।
