महोत्तरी-
भूमिसुधार तथा मालपोत कार्यालय महोत्तरीमा कार्यरत खरिदार मुन्नुकुमार दास र लेखापढी व्यवसायी जिवछ महतोलाई अख्तियार दुरुपयोग अनुसन्धान आयोगको टोलीले ३५ हजार रुपैयाँ घुससहित पक्राउ गरेको छ।
अख्तियार दुरुपयोग अनुसन्धान आयोग बर्दिबासको टोलीले सेवाग्राहीबाट लिएको ३५ हजार रुपैयाँ घुस रकमसहित कार्यालयबाटै दुबैजनालाई पक्राउ गरेको हो।
सेवाग्राहीको काम छिटो गराइदिने भन्दै उनीहरुले घुस लिएको अख्तियारको प्रारम्भिक अनुसन्धानबाट खुलेको छ। पक्राउ परेका दुवैजनालाई आवश्यक अनुसन्धानका लागि अख्तियार दुरुपयोग अनुसन्धान आयोग बर्दिबासको कार्यालयमा राखिएको छ।
