वीरगन्ज-
आगामी स्ववियु निर्वाचनका लागि वीरगन्जस्थित ठाकुर राम बहुमुखी क्याम्पसमा समाजवादी विद्यार्थी युनियन नेपालले उम्मेदवारी दर्ता गरेको छ।
समाजवादी विद्यार्थी युनियनले सभापतिमा मो. सगीर अलीलाई उठाएको छ भने सचिवमा रामबाबु प्रसाद यादव र कोषाध्यक्षमा चाँदनी कुमारी ठाकुरलाई उठाएको छ ।
सदस्यहरूमा आलोक चौरसिया, साहिद अंसारी, शिवलाल महतो नुनिया, बृजेश यादव, सतरोधन पटेल, ज्योती पटेल, तैयब देवान र शिव पासवान रहेका छन् ।
उम्मेदवारी दर्ता कार्यक्रममा समाजवादी विद्यार्थी युनियनका नेता तथा कार्यकर्ताहरूको उल्लेख्य उपस्थिति रहेको थियो। उम्मेदवारी दर्ता पछि बोल्दै समाजवादी विद्यार्थी युनियनका नेताहरूले विद्यार्थीहरूको हकहितका लागि आफ्नो संगठनले काम गर्ने प्रतिबद्धता व्यक्त गरेका छन्।
