काठमाडौं –
हमासद्वारा सञ्चालित गाजा मिडिया कार्यालयले बिहीबार जनाएको छ कि गाजा शहरको पूर्वमा रहेको दार अल–अरकाम विद्यालयमा इजरायली आक्रमणमा कम्तिमा २९ जना प्यालेस्टिनीको मृत्यु भएको । १ सय भन्दा बढी घाइते भएका छन् ।
कार्यालयले मृत्यु हुनेमा १८ बालबालिका, महिला र वृद्धवृद्धा रहेको बताएको छ । यसैबीच गाजाको नागरिक रक्षाका प्रवक्ता महमूद बसालले विद्यालयले निरन्तर इजरायली बमबारीबाट बच्न शरणार्थी परिवारहरूलाई आश्रय दिइरहेको बताउनु भयो ।
धेरै विस्थापित मानिसहरूलाई आश्रय दिइरहेको बेला सेनाले आक्रमण गरेको बताउनु भयो । गाजा स्वास्थ्य अधिकारीहरूले बिहीवार भनेका छन् कि नयाँ इजरायली आक्रमणहरूले अहिलेसम्म १ हजार १६३ प्यालेस्टिनीहरूको मृत्यु भएको छ । २ हजार ७३५ जना घाइते भएका छन् ।
