काठमाडौं –
राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले जेठ १५ गतेदेखि सुरु हुने आन्दोलन शान्तिपूर्ण हुने बताएका छन्। मंगलबार काठमाडौंमा आयोजित आन्दोलन तयारी सभालाई सम्बोधन गर्दै उनले यो आन्दोलन पूर्ण नियन्त्रणमा रहने र कुनै पनि हिंसात्मक गतिविधि नहुने स्पष्ट पारे।
लिङ्देनले सरकारलाई दमन वा हिंसा भड्काउने कुनै पनि अवसर नदिइने बताए। उनले मानवअधिकार आयोगसहित अन्तर्राष्ट्रिय संघसंस्थाहरूलाई जेठ १५ को प्रदर्शनको अनुगमन गर्न आग्रह गरिने जानकारी दिए।
उनले भद्र अवज्ञा र सत्याग्रहमार्फत आफ्ना मान्यताहरू स्थापित गरिने दाबी गर्दै यो आन्दोलनलाई टुंगोमा पुर्याएरै छाड्ने प्रतिबद्धता व्यक्त गरे।
यसैबीच, केही दिनअघि प्रधानमन्त्री केपी शर्मा ओलीले संसदमा दिएको “हामी त बुढो भयौं, तपाईं चाहिँ भाग्न मिल्छ?” भन्ने अभिव्यक्तिको जवाफमा लिङ्देनले सम्झौता नगर्नेहरूलाई हेलिकप्टर सुविधा दिने व्यंग्यात्मक टिप्पणी गरे।
