काठमाडौं –
नेपाली कांग्रेसका सांसद विष्णुबहादुर खड्काले गणेश नेपालीको परिवारलाई तीन दिनको तलब सहयोग गर्ने घोषणा गरेका छन् ।
शुक्रबार प्रतिनिधिसभाको बैठकमा बोल्दै खड्काले सरकारले ज्यादती गरेर नागरिक मारेको बताए । नेपालीको परिवारलाई उचित राहत दिन सरकारसमक्ष माग गरे ।
“सानो भए पनि सदनमा मैले पाउने जुन सुविधा छ, त्यो सुविधामार्फत तीन दिनको सहयोग गर्न चाहन्छु,ू उनले भने ।
त्रिपुरेश्वरस्थित राहदानी विभागअगाडि बिहीबार आत्मदाहको प्रयास गरेका मुगुका नेपालीको शुक्रबार निधन भएको छ । सोही घटनाप्रति आज सांसदहरूले सरकारको ध्यानाकर्षण गराएका छन् ।
