पर्सा-
करिब १० लाखको लागतमा वीरगंजमा सुबिधा सम्पन्न स्पा सेन्टर संचालनमा आएको छ ।
घण्टादेखि लिंकरोडतर्फ जाने बाटोमा दक्षिणपट्टि एसियन लाइफ इन्स्योरेन्स नजिककै रहेको भवनको दोस्रो तल्लामा सुविधा सम्पन्न वीरगंज ‘गेटवे स्पा’ सञ्चालनमा आएको संचालक कुवेर कार्कीले जानकारी दिए ।
सोमबारदेखि संचालनमा आएको स्पालाई राष्ट्रिय स्वतन्त्र पार्टी पर्साका अध्यक्ष हरि पन्तले एक कार्यक्रमबिच उद्घाटन गरेका हुन । कार्यक्रमलाई सम्बोधन गर्दै प्रमुख अतिथी पन्तले ‘स्पा’ बारे समाजमा गतल धारणा रहेको बताएका थिए ।
‘स्पा’ पार्खीहरुको लागि सञ्चालनमा आएको ‘गेटवे स्पा’ले फरक स्वाद दिने सञ्चालकको दाबी छ । अन्य स्पा भन्दा सुविधा सम्पन्न तथा दक्ष प्रशिक्षकहरुबाट सेवा दिइने लक्ष्य लिइएको सञ्चालक कुबेर कार्की बताउँछन् ।
उनका अनुसार स्पामा सेवा दिने सबैजना काठमाडौंबाट तालिम प्राप्त व्यक्तिहरु रहेका छन् । यो स्पामा लामो समयसम्म काठमाडौंमा काम गरिसकेका अनुभवी कर्मचारीलाई ल्याइएको सञ्चालक कार्की बताउँछन् ।
उनका अनुसार सस्तो दरमा काठमाडौंको जस्तै वीरगन्जमा पनि स्पा पार्खीहरुले सेवा लिनेछन् । गेटवे स्पा सेन्टरमा मसाज गराउँदा एक घण्टाको दर ९ सय ९९ रुपैयाँ राखिएको छ ।
यो सुविधा एक पटकमा पाँचजनालाई सेवा दिइनेछ । ‘स्पा’ सेन्टरमा ५ वाट क्याबिन रहेको सञ्चालकहरु बताउँछन् । सबै क्याबिन एसीसहित अति सुविधा सम्पन्न रहेको संचालक कार्कीले जानकारी दिए ।
