काठमाडौँ-
अख्तियार दुरुपयोग अनुसन्धान आयोगले पूर्वप्रधानमन्त्री एवं नेकपा (एकीकृत समाजवादी) का अध्यक्ष माधवकुमार नेपालसहित ९३ जनाविरुद्ध विशेष अदालतमा भ्रष्टाचार मुद्दा दायर गरेको छ।
पतञ्जली योगपीठलाई हदबन्दी छुटमा ३५३ रोपनी जग्गा खरिद गर्न दिएको र सो जग्गा काष्ठमण्डप बिजनेश होम्सलाई अनियमित रूपमा बिक्री गरेको आरोपमा नेपालविरुद्ध १८ करोड ५८ लाख ५० हजार रुपैयाँ विगो मागिएको छ।
२०६६ मा नेपालको नेतृत्वको मन्त्रिपरिषद्को निर्णयबाट यो स्वीकृति भएको थियो। अख्तियारले बयान लिएर अनुसन्धान टुंग्याएको हो। भ्रष्टाचार निवारण ऐन, २०५९ अनुसार नेपालको सांसद पद स्वतः निलम्बन भएको छ।
