काठमाडौं –
पप्पु कन्स्ट्रक्सनका सञ्चालक हरिनारायण रौनियारकी बुहारी श्रुती रौनियारलाई प्रहरीले पक्राउ गरेको छ। काठमाडौं उपत्यका अपराध अनुसन्धान कार्यालयको टोलीले उनलाई काठमाडौंबाट नियन्त्रणमा लिएको हो।
श्रुती रौनियारमाथि विश्वासघात र ठगी सम्बन्धी आरोप लागेको छ। पर्सा प्रहरीले उनलाई पक्राउ गर्न पत्राचार गरेपछि उपत्यका अपराध अनुसन्धान कार्यालयको टोलीले उनलाई नियन्त्रणमा लिएको हो।
उपत्यका अपराध अनुसन्धान कार्यालयका एसएसपी रमेश बस्नेतले श्रुती रौनियार पक्राउ परेको पुष्टि गरेका छन्। उनलाई थप अनुसन्धानका लागि पर्सा प्रहरीलाई हस्तान्तरण गरिने जानकारी बस्नेतले दिए।
यो घटनाले पप्पु कन्स्ट्रक्सनसँग जोडिएको विवादलाई फेरि चर्चामा ल्याएको छ। पर्सा प्रहरीले यो प्रकरणमा थप अनुसन्धान गरिरहेको छ।
